سهير رمزي بعد خلعها الحجاب "مش من حق حد التدخل في أموري الشخصية"

عرضت الفنانة سهير رمزى لهجوم حاد من رواد مواقع التواصل الاجتماعى، بعد انتشار صور لها بدون حجاب، حيث انها تركت الحجاب بشكل نهائى.

وعلقت الفنانة سهير رمزى قائلة : " أنا مش حبة أتكلم فى موضوع الحجاب لأنى اتكلمت كتير فيه، ولأنه موضوع شخصى، وليس من حق أى شخص التدخل فى أمورى الشخصية لأنه موضوع شخصى بحت"، مشيرة إلى أن الزوج لا يستطيع فرض الحجاب على زوجته، واللى بيحاسب ربنا مش عباده، والناس بقت بتتدخل فى حياة بعض بشكل فظيع".

وتابعت: "تعرضت لهجوم بشكل كبير فى الفترة الأخيرة على كل تصرف أعمله، فمثلا هاجمونى لما نزلت "قصة" من شعرى، وهاجمونى لما لبست "برنيطة"، وحاليا بيهاجمونى عشان قلعت الحجاب،  ده كلام مهم برده اننا نتكلم فيه، فى حاجات كتيرة أهم من كده نتكلم فيه عن أعمالى وشغلى كفنانة أو عمل جديد داخلة فيه أو تكريم ليا فى مهرجان. غير كده كلها أمور شخصية تخصنى وحدى".

 وأضافت "خلعت الحجاب بشكل نهائى وانا مقتنعة بذلك كما كنت مقتنعة بارتدائى له منذ 25 عاما فى عز نجوميتى وشبابى وضحيت بشغلى وبعدت عنه، وانا مش صغيرة انا ست كبيرة فى السن، اشيل أو أحط، او اخفف شوية ده شىء يرجعلى ومش من حق حد يقولى قلعتى الحجاب أو لبستيه ليه".

وأشارت إلى أن ارتداءها للحجاب كانت له عدة أسباب منها التقرب من الله بشكل أكبر وأستطيع الصلاة وتأدية فريضة الحج والعمرة، والجلوس بجانب والدتى المريضة وقتها، والتزمت بالحجاب وبعدت تماما عن مجال الفن والتمثيل لمدة 25 عاما.

 واستكملت حديثها، أنا لبست الحجاب باقتناع وحاليا تركته باقتناع، لأن صلتى بربنا مش شرط ليها حجاب، لأن صلاتى وقربى من الله واحتشامى واحترامى وحفاظى على عاداتى وتقاليدى وعلى بيتى أهم حاجة، وفى أمثلة لستات كتيرة محجبات ومش كويسين من جواهم، وفى ستات مش محجبات وكويسين جدا وبيتعاملوا بشكل راقى وباحترام.

وعن رأي زوجها قالت:" زوجى لم يعترض على ملابسى من أول ما تزوجنا، ولا عمره اتحكم فى موضوع لبسى، لأنى زى ما قلت انها حاجة تخصنى وأهم شىء إنى محافظة على نفسى واحترامى له ولنفسى، لأنى كما قلت أهم شىء التربية والعادات والتقاليد التى تربينا عليها".

ووجهت رسالة فى نهاية حديثها، ياريت كل شخص يركز فى حياته وفى أهداف مهمة ولا يتدخل فى خصوصية الآخرين لأنها ليست من حق أى حد غير الشخص نفسه، ولو الموضوع فى أذية فهيكون لنفسى مش لحد تانى.

قد يهمك أيضــــــــــــــــًا :

صُورة عناق أحمد فهمي وهنا الزاهد تستفز مي العيدان

مُتابعة للأحداث المصرية في "حديث المساء" على "MBC مصر"