الفنان هاني عادل يوضح حقيقة التاتو المثير للجدل

انتشر منذ عدة أيام صورة للفنان هاني عادل، عبر موقع التواصل الاجتماعي ، ظهر خلالها بتاتو علي يده علي شكل فاصلة منقوطة، وكان قد علق له أحد متابعينه بأن "عادل" يعاني من إكتئاب.

ومن جانبه رد هاني عادل من خلال حسابة الشخصي بموقع التواصل الاجتماعي "فيس بوك" ليوضح حقيقة التاتو الموجود أسفل زراعة قائلًا : فيه بوست إتعمل قريب عن التاتو إللي أنا عامله علي شكل فاصلة منقوطة "؛" وصاحب البوست ده إدعى إني مكتئب وعايز أنتحر .

أضاف "عادل" الفاصلة المنقوطة معناها إن القصة لسة ماخلصتش وكل نهاية فيه بعدها نهاية جديدة والحياة لازم تستمر ومابتقفش على حاجة أو على حد.

أكد عملت التاتو ده يوم عيد ميلادي، بعد ما قريت عنه وعن الحركة العالمية إللي معمولة لمساعدة الناس إللي عندها إكتئاب وبعضهم حاول الإنتحار، كنوع من أنواع التضامن ورسالة بإن دايمًا فيه أمل.. بس كده.

مشيرًا إلى أن كلنا عرضة للإكتئاب بس الحمد لله دايمًا بقاومه وعمري ما فكرت أنتحر ولا أنهي حياتي لأن ببساطة فيه حاجات كتير قوي لِسَّه معملتهاش وعندي أمل أعملها، يعني التاتو ده مش علامة إكتئاب بالعكس ده علامة بتقول إن فيه أمل.