حمادة هلال يكشف عن العديد من الأسرار والكواليس في مشواره الفني

حل الفنان حمادة هلال، ضيفاً على برنامج "أسرار" الذي تقدمه المذيعة أميرة بدر على قناة النهار الفضائية، حيث كشف عن العديد من الأسرار والكواليس في مشواره الفني منذ بدايته حتى الآن، مشيرًا الى أنه حصل على أجور قليلة في بداياته.قال حمادة: "أول أوردر عملته كسبت فيه خمسة جنيهات، وكان لي صاحب اسمه هادي أبو اليزيد وهو شاعر كبير وكتب لي معظم الأغاني اللي نجحت".

أضاف: "كنت بطلع أغني ببلاش ومكنتش عايز فلوس وكان المهم بالنسبة لي أغني، وأول خمسة جنيهات أخذتها جبت هدية لأمي، كانت إيشارب، ووالدي كان تعبان ومن الحاجات اللي خلتني أبعد فترة عن الغناء هو تعبه".

وأوضح: "عديت بمرحلة الغناء في الأفراح الشعبي، واكتسبت منها الجانب الإيجابي وتعلمت منها السلبي وشفت اللي مشي في السلبي حصل له إيه، وعيشت في الزاوية الحمراء وما زال أصدقائي هناك لكن أنا اتولدت في الشرقية".

وحول حرمانية الفن، قال حمادة هلال: "أراهن أن كل اللي موجودين في الشغلة عندهم نفس الصراع بتاع الحرمانية، وأنا عن نفسي جتلي فترة تعرضت لكلام قاسي، وبدعي وبقول ربنا يهديني ومش بتريق وبدعي ربنا يهديني للطريق الصح، وكل إنسان بيقدر يحط نفسه في الحتة اللي عارفها كويس".

قـــد يهمــــــــك أيضــــــاُ : 

حمادة هلال يعلن عن شعاره في العام الجديد 2025

القائمة الكاملة لأبطال مسلسل المداح 5 بطولة حماده هلال رمضان 2025