تامر حسني يُحدد موعد طرح فيلمه الجديد "بحبك"

كشف الفنان تامر حسني عن موعد طرح فيلمه المنتظر "بحبك"، في دور العرض المصرية. ونشر تامر حسني، عبر حسابه على "إنستغرام"، مجموعة من الصور للملصقات الدعائية للفيلم والمنتظر طرحه يوم 7 يوليو المقبل. وتضمن منشور تامر حسني البوستر الرسمي وبوسترات خاصة بكل شخصية، إلى جانب بوستر ضم: هنا الزاهد وهدى المفتي مع تامر حسني، وبوستر آخر ضم حمدي المرغني ومدحت إسماعيل مع تامر حسني.

يذكر أن تامر حسني ينتظر عرض فيلمه الجديد "بحبك" في عيد الأضحى المقبل، ويخوض من خلاله تجربة الإخراج السينمائي للمرة الأولى، وذلك بجانب لعب دور البطولة وكتابة الفيلم، فيما تتولى شركة "تامر حسني للإنتاج"، للمنتج حسام حسني، المشاركة في إنتاج العمل مع شركات: "سينرجي، سكاي ليميت، وفيلم سكوير"، ويشاركه البطولة هنا الزاهد، هدى المفتي، حمدي المرغني ومدحت إسماعيل.

وتدور أحداث الفيلم حول حياة رجل يخوض قصتَيْ حب، ويتخبط في حياته بين فتاتين، ويُظهر اختلاف مدى صدق التعبير عن الحب بين الرجل والمرأة.يذكر أن آخر أفلام تامر حسني، تم عرضه خلال عام 2021، وهو فيلم "مش أنا" وشاركه البطولة ماجد الكدواني، حلا شيحة وسوسن بدر، تأليف تامر حسني، وإخراج سارة وفيق.

على جانب آخر، عبر الفنان تامر حسني عن سعادته بسبب استعانة بعض الطلاب بأغنية له في مشروع التخرج الخاص بهم، موضحاً أنه في التجهيز للأغنية كان ينوي أن تصل إلى إحساس الناس. ونشر تامر حسني فيديو، عبر حسابه الشخصي على "إنستغرام"، تظهر خلاله مجموعة من الطلبة أثناء عرض مشروع تخرجهم، وفي الخلفية أغنية "الموضوع فيك".

وعلق تامر على الفيديو، قائلاً: "فرحة عمري لما شباب عظيم من شباب مصر الواعد يستوحي مشروع تخرجه أو يقتدي بأغنيه ليا زي (الموضوع فيك)، أو (مش تمثال، أو (قد التحدي)". وأضاف تامر حسني: ".. وأنا بعمل الأغاني دي كانت دي نيتي إنها تتحس ويتعمل بيها مش تتسمع بس.. عشان اللي بيطلع من القلب بيوصل للقلب". وتابع: "مبروك شباب مصر العظيم، يارب حياة جديدة كلها خير ونجاح وطموح لا ينقطع، ربنا يفرح أهاليكم بيكم، أنتوا أملنا وإنتوا النماذج المشرفة الحقيقية".

وأكد: "الحقيقة اتطلب مني كلمة أقولها للشباب اللي بيتخرجوا، بس أنا كدا كدا كنت هكتب لكل شبابنا مش اللي بيتخرج بس بكتب لينا كلنا، اكتروا وخلوا إيديكم في إيد بعض، هفضل أقولها مفيش حل غير إنك تنجح، لما بتنجح كل الناس بتقدرك واللي مكانش فاهمك ومصدقك بيصدقك وبيحترمك، لما بتنجح بتبقى قوي ومرغوب فيك، لما بتنجح ربنا بيحبك، وبيستخدمك عشان تنفع غيرك".

وأضاف: "يا شباب يا جميل متبخلوش على بعض بالنصيحة والكلمة الطيبة وفعل الخير، أي فكر شرير مهما كان كتير لازم يلاقي قصاده فكر خير أكبر وأكتر عشان ننهض ببلدنا ونسلمها لأولادنا أحسن من ما كانت في زمننا، هي دي رسالتنا كبشر، وكل حد فينا مادام بيصحى من النوم بيلاقي نفسه لسه عايش لازم يعرف إنه لسه مطلوب منه مهام في الدنيا لازم يعملها ويفرح إن ربنا مديله وقت وعمر يحقق فيه".

وواصل: "ومهما كانت الصعاب أنت لازم تبقى بطل قصة حياتك، عمركم سمعتوا عن بطل معندوش معاناة؟ مستحيل، المعاناة دي اللي هتصنع منك راجل قد المسؤولية، وهتبقى بسببها بطل في قصة حياتك، ومش عيب تبدأ من الصفر ياما ناس بدأت من تحت الصفر، ووصلوا لأكتر من أحلامهم، إنتوا كمان هتوصلوا". وختم: "ثقوا في نفسكوا وخلوا يقينكم بالله أقوى شيء، صراع الدنيا صراع يقيني، صدق نفسك إنت تقدر وإنتي تقدري، يعلم ربنا أنا بحبكوا قد أيه ونفسي أشوف شباب الوطن كله ناجح وفرحان ومفرح أهله، مبروك يا أمل مصر".

قد يهمك ايضا

  التفاصيل الكاملة لعودة زوجة تامر حسني المغربية بسمة بوسيل للغناء باللهجة الإيطالية

تامر حسني يتجاهل الرد على انفصاله عن بسمة بوسيل