سوسن بدر تؤكد أن مي عز الدين لديها طاقة تمثيلية كبيرة

أكدت الفنانة سوسن بدر إن دورها في مسلسل “خيط حرير” لم يقلقها بل بالعكس فالدور بالنسبة لها كان جديدًا، وتابعت “سوسن” : “بالعكس والله ماقلقت الدور بالنسبة ليا كان جديد ومعملتوش قبل كده، وشخصية دورس مش أم شريرة في المطلق بل لها أسبابها ومن وجهة نظرها هي ليست شريرة، فهي سيدة تحمي بيتها وعائلتها وسمعتها وبالتالي لها منطقها في تحقيق ذلك”.

وقالت: “الناس ممكن تشوفها شريرة بس ليها منطقها حتى لما شالت رحم ابنتها هي أنقذتها لم تتركها لتموت، فكان الخيار ضرر أقل من الموت، أنا لاأبرر شرها لكني أقص عليكم منطق الشخصية في هذا العمل هي ليست شريرة “.

وكشفت أهم التفاصيل التي دفعتها للقيام بالدور قائلة: “أنا وإبراهيم كنا بنقف عند التفاصيل دي كتير فعلى سبيل المثال بعض التفاصيل الي طلبها مني إبراهيم فخر قلقت عندها وخفت وعملتها بس لما اتفرجت قولتله كان عندك حق فعلاً، كان عايزني في المرحلة الثانية مثلاً ماغيرش صوتي أتكلم بنفس التون سواء في الابتسامة أو الغضب أو الزعيق بنفس التون، وده رعبني وقلتله وقتها إنت متخيل إحنا بنعمل إيه ؟ قلي إعملي بس أما في المرحلة الاولى فتركني أتعامل عادي .. فضلت قلقانه لغاية ماتفرجت لانها ست طول العمل ماعندهاش وقت تتخانق “.

وحول العمل مع مي عز الدين قالت : ” أول مرة نشتغل مع بعض بس إحنا أصحاب وبحبها جداً وفي رأيي أن مي عز الدين بداخلها طاقة لسه ماطلعش منها جزء يكفيها وجواها أكتر من كده، مي عز الدين فيها ميزة أنها بني أدمة بقت نجمة وممثلة، لكن يهمني في المقام الأول أن تظل بني أدمة ولم يضع منها رغم النجومية ” البني أدم ” الي جواها وبدأت تفكر في إختيارتها “.

قد يهمك ايضا

سوسن بدر تؤكد أن تامر حسني في تحدٍّ كبير بفيلم "مش أنا" وأنه عمل صعب جدًا

عماد رشاد طبيب مخ وأعصاب في "ونحب تاني ليه"