حلت الفنانة درة، ضيفة على برنامج اتنين اتنين، الذي تقدمه إيناس سلامة الشواف، عبر راديو إنرجي 92.1، وخلال اللقاء كشفت الفنانة العديد من أسرار حياتها، موضحة سبب غيابها عن الموسم الرمضاني الحالي 2022.وتحدثت درة عن أعمالها المقبلة، وسبب غيابها عن الماراثون الرمضاني 2022، قائلة: أحضر لعمل قوي بعد العيد، عشان كده مظهرتش فى رمضان، لأن الحضور والغياب لازم يكونوا بحساب، فنيًا واجتماعيًا.

غياب درة عن دراما رمضان
وعن الحضور والغياب عن المشهد، قالت: فى الوقت ده مينفعش الغياب، والحضور يبقى من خلال العمل الفني بس، وجود الفنان على السوشيال ميديا مهم، وده حق الجمهور، ومن المفاهيم المغلوطة أن الحضور يبدأ من السوشيال ميديا، بعدها اختار مجال اشتغله، الشغل هو الأساس للتواجد.وتحدثت درة عن ثنائية النجاح والفشل بحياتها، قائلة: النجاح الحقيقي أنك تتغلب على فشلك، وتقوم بعد ما وقعت، أما بنجح بفرح، بس بخاف من المسئولية.. وساعات النجاح بيصاحبه منغصات.

وعن التشاؤم والتفاؤل قالت: التفاؤل هو حسن الظن بالله ثم بنفسي، اتفاءل بالأشخاص اللي شغلنا سوا أدى لنجاح، واتشائم واقلق من اللى شغلنا فيه مشاكل، وقتها بخاف أكرر التجربة معاه.

تصريحات درة
 وعن ثنائية الحب والكره في الحياة، قالت: ما بين الحب والكراهية مساحة رمادي غالبة، وأنا بحب اللي يحبني، واللى مش بيحبنى بديله فرصة، لأن المشاعر بتتغير، أما المؤذي الكاره بتجنبه، بس لو عمل شغل كويس مش بنكر.وتابعت درة: الفعل والكلام ثنائية مكملة لبعض، الفعل إثبات بس بنحتاج التعبير عن الحلو، أما لو الكلام هيضايق يبقى بلاش، والكلمة الطيبة صدقة.

قد يهمك أيضا :  

 عقد قران درة على رجل الأعمال هاني سعد في الجونة والزفاف بعد 3 أيام

الفنانة درة مهددة بالسجن بعد تحريم تعدد الزوجات في تونس