كشف الفنان المصري شريف رمزي السبب وراء حضوره مهرجان الجونة في دورته الرابعة بمفرده، دون تواجد زوجته الفنانة ريهام أيمن، معه، كما جرت العادة أن يتواجدا سويًا في المناسبات الفنية.وقال : "ريهام في البيت لأن الولاد عندهم مدارس، ابني بياخد كل يوم حرف، فلو مراحش يوم يبقى ضاع منه حرف، وبالتالي ضاعت منه الكلمة كلها واللغة المستقبل".

وأضاف ساخرًا: "سعيد سعادة مش طبيعية إن ريهام مجتش معايا، لا طبعا بهزر، أكيد أنا مضايق، وجودها بيبقى عامل روح معايا مهمة جدا وبحب إنها تحضر معايا".وأردف: "بقينا مش بنعرف نحضر مع بعض حاجات عامة كتير لإن لازم حد يكون موجود مع الولاد، ولما يكون مهرجان ففي الحالة دي لازم نجيب مِحرِم يقعد مع الأولاد زي أمي مثلا".

وعن الدورة الحالية من مهرجان الجونة، قال رمزي: "مهرجان الجونة ليه طابع مختلف، في جو ومدينة مختلفة، لا يقل أهمية عن أي مهرجان عالمي زي فينيسيا وكان، ومهم جدا إنه يبقى عندنا مهرجان زي ده في مصر، والجونة من أهم الأماكن السياحية في مصر، وأهم شيء إنه يفضل مكمل مهما كانت الظروف والدورة تنعقد في نفس معادها".

وأكمل: "تحية لكل القائمين عليه لاختيار الأفلام المميزة وإنهم قدروا يعملوا مهرجان بالتنظيم ده وتعتبر رسالة للعالم كله إن مصر بلد آمنة وقادرة تنظم مهرجانات بالحجم ده".وعن اختياره لملابسه وابتعاده عن الأشياء التي تثير الجدل، قال شريف رمزي: "أنا بلبس اللي بحبه وأرتاح له، في الافتتاح دايما بحب ألبس حاجة صناعة مصرية، ببقى عاوز أقول إن كل تفصيلة في المهرجان بتدعم بلدي".

واختتم حديثه قائلًا: "مش بفكر كتير ومعنديش ستايليست خاص، أنا بلبس الحاجات اللي لايقة عليا ولايقة على الحدث، لو أعلى أو أقل هيحصل انتقاد، وبعدين لازم ندي صورة محترمة وسط الناس الأجانب الي بيغطوا أو بيحضروا المهرجان فلازم نشرف بلدنا قدام الناس دول.

قد يهمك أيضــــــــــــــــًا : 

  شريف رمزي ينشر صورته مع أحمد حلمي ومنى زكي في مدينة الملاهي

شريف رمزي يعترف بخطئه لعدم مشاركته في أفلام من إنتاج والده